Bisita Gasteizko mugarrietara. Amba. Solasaldiak arte ederren museoan - arteederrenmuseoa

 Ehun urtetik gorako tradizioa

Juanjo Galdós López de Laño

Etnografoa

Gasteizen Olarizu egunean mugarrietara egiten den bisita gure inguruko jurisdikzio mugetatik egiten den ibilaldirik ezagunena da, honako hauek konbinatzen dituelako: administrazio egintza, mugarriak ikustea eta Olarizuko zelaietan, hiriaren ondoan, egiten den erromeriako jai ekitaldiak.

Gasteizko udalerriaren perimetroko 111 kilometroak 484 mugarrik mugatzen dituzte. Ibilaldia hamahiru etapatan banatzen da, bat urteko, eta hamahiru urteren buruan osatzen da, hurrengo urtean berriro hasteko. Bisita horretan, Gasteizko udalbatzak mugarrien kokapena ikuskatzen du bertoko kontzejuen ordezkariekin batera, udalerri eta kontzeju mugakideen ordezkariak han daudela.

Juanjo Galdosek Geografia eta Historia ikasi zuen Euskal Herriko Unibertsitatean, Arabako Campusean (1982-1987). Kultura Ondarean espezializatu zen, eta graduondoko ikastaro bat egin zuen: Arkeologia eta Arte Ondarearen Masterra (1987-1989). Horrez gain, gai berari buruzko beste ikastaro txiki batzuk egin zituen Kantabriako Unibertsitatean eta Arabako Foru Aldundian, eta antropologiari eta etnografiari buruzko kongresu, jardunaldi eta mintegietara joan zen.