Pablo Uranga - conferencias eu - arteederrenmuseoa

Gasteizen jaio arren, Pablo Urangak, familiarekin lotutako arrazoiak zirela eta, hainbat egoitza izan zituen bere bizitzan, bai prestakuntza garaian (Jerez, Madril, Paris), bai jada pintore zela ere (Elgeta, Gasteiz), eta, azkenean, Donostian jarri zen bizitzen eta bertan bizi izan zen hil arte. Horren ondorioz, artearen historiografiari dagokionez, ez da hain agerikoa Arabako artista zela, nahiz eta harreman estua izan zuen gure probintziako kideekin eta erakundeekin.

Ana Arregui Barandiaranek, artearen historialari eta dokumentalistak, Urangari buruzko azterlan eta ikerketa garrantzitsuena idatzi du, besteak beste. Azterlan hori 1992an Amárica Aretoan eta 2012an Arabako Arte Ederren Museoko aretoetan egileari buruz egin ziren erakusketa proiektuetan islatu zen, eta, gainera, artistari buruzko monografia bana egin zen.