Gonbidatutako pieza. Martiodako erlikiak - arteederrenmuseoa

Arkeologia museoak, “Gonbidatutako pieza” programaren barruan, Martiodako erlikia ontzi ikusgarriko piezen hautaketa txiki bat hartuko du, egun Arabako Arte Ederren Museoko kaperan modu iraunkorrean ikusgai dagoena. Erlikia ontzia brodaturiko ehun aberatsez eta farfailez apaindutako hezur hondar batzuek osatzen dute. Martiodako (Araba) San Joan Ebanjelariaren elizako sakristian gordeta zeuden.

 

Arabako Zaharberritze Zerbitzuak multzo horretaz urte baino gehiagoan egin zuen azterketa, kontserbazio eta zaharberritze proiektuari buruzko informazioaren zati bat jasotzen du erakusketak, Arabako Arte Ederren Museoarekin lankidetzan.

 

Lagin honen helburua erlikia horien balio historiko, sozial eta erlijiosoa azpimarratzea da, beren jatorrizko garai eta esanahian kokatuta. Gainera, Arabako Foru Aldundiko Zaharberritze Zerbitzuak egindako zaharberritze prozesu zorrotza nabarmentzen da.

 

Kontserbazioaren hainbat arlotako espezialistek eta historialariek elkarrekin egindako lanari eta hainbat teknika analitiko erabiltzeari esker, informazio baliotsua lortu zen orain arte gutxi aztertu den ondare bati buruz, eta erlikia ontziaren ohiz kanpoko tipologia eta kontserbazio egoera nabarmendu ziren.