CLEMENTE & JESÚS ARRAIZ e - arteederrenmuseoa

Arabako Arte Ederren Museoko bildumako sei lanek parte hartuko dute CLEMENTE & JESÚS ARRAIZ erakusketan, Bilboko Ondare Aretoa antolatua Clemente Arraiz Inchaurregui (1873-1952) eta Jesús Arraiz Ibarra (1898-1980) margolarien omenez eta aintzatespenez. Gasteizen jaioak, aita-semeak, beren lanak lehenengo aldiz erakusten dira Bilbon batera.

Hautatutako pinturak Arabako Arte Ederretakoak ez ezik Gasteizko Udalekoak eta bilduma pribatuetakoak ere badira.

Erakusketa ibilbideak bi artisten lanen arteko elkarrizketa proposatzen du, eta komisarioek esaten dutenez, "aukera ematen dio ikusleari bere gaiak eta ezaugarriak ezagutzeko, elkarren arteko antzekotasunak eta eraginak hautemateko edo sormenezko desadostasunak ere ikusteko".

Clemente Arraizen aurkeztutako lanen artean, gehien landutako gaiak daude, hala nola familia erretratuak, paisaiak eta loreak eta bodegoiak. Giza irudia, ordea, Jesús Arraizen lanaren elementu nagusia eta protagonista da, eta –haren aitarenean ez bezala– oso zeregin garrantzitsua du bere ekoizpenean.

Erakusketan, gainera, Arraiztarren beste alderdi baten zirriborro batzuk ikus daitezke; izan ere, barnealdeen dekorazio negozioak eduki zituzten Gasteizen eta Bilbon, eta garai hartako enpresa garrantzitsuenentzat lan egin zuten. Gasteizen, adibidez, Augustin Zulueta jauregiko (Arabako Arte Ederren Museoaren egoitza) edo Ajuria familiaren jauregiko (gaur egungo Ajuria-Enea) dekorazio lanetan parte hartu zuten.